糊塗戲班的「去國立」事件發生一年多之後，康文署今年為音樂事務處四十周年舉辦的展覽，有人發現剪報圖片上報眉的「民國」年份均被刪去，再次鬧出風波。康文署後來解釋純粹出於版面設計上的考慮並為之道歉。

於是我幻想到以下的情境：

＊   ＊   ＊

平面設計師正在處理《華橋日報》剪報……

「唔要『華僑教育』四個字？哦……」

「突左個『六十六年』？咁你要cut走果個位係咁架喎……有西曆都睇得出份報紙幾時？哦，捽走佢囉。」

輪到《工商日報》……

「你想要邊篇啊？下面果篇？睇睇先…..嘩，佢散落四周我有排搞，逐格corp完又要砌翻埋…..咩話？要埋上面個日期？哦……」

「想見到星期三？唔放大得架，會爆格仔架…..咁移過D俾你囉。」

「我夠睇到又突左個『六十六年』啦…..咁你要星期三啊嘛，再過d啦咁。」

「喂，避唔到架喎，一係唔好要星期三靠右對齊就得…..哦，係都要星期三，咁執走佢囉。」

＊   ＊   ＊

其實，不要貪那報眉，就不會惹人口實，下面的表達方法很失禮麼？

自討苦吃！